સમાજશાસ્ત્ર ભવન દ્વારા આયોજિત જ્ઞાનસુધા મણકો ૧૬ અંતર્ગત તા. ૦૮/૦૮/૨૦૨૪ના રોજ “આદિવાસી સમુદાયની જીવનશૈલી અને સાંસ્કૃતિક વારસો” વિષય ઉપર વ્યાખ્યાન યોજાયું હતું. જેમાં સૌરાષ્ટ્ર યુનિવર્સિટીના ગુજરાતી ભવનના પ્રાધ્યાપક ડૉ. પ્રભુભાઈ ચૌધરી દ્વારા વિદ્યાર્થીઓને પ્રાચીન તેમજ મૂળ વતની ગણાતા આદિવાસીઓની જીવનશૈલી અને તેમના અમૂલ્ય સાંસ્કૃતિક વારસા વિશેની સમજ પૂરી પાડી હતી. પ્રવર્તમાન સમયમાં આદિવાસીઓની બદલાયેલી જીવનશૈલી તેમજ પડકારો અંગેની સમજ પૂરી પાડી હતી. તેમના અમૂલ્ય સાંસ્કૃતિક વારસાને જાળવી રાખવા માટેની સરકારની વિવિધ યોજનાઓ વિષે તલસ્પર્શી માહિતી આપી વિદ્યાર્થીઓને અભિભુત કર્યા હતા.