સૌરાષ્ટ્ર યુનિવર્સિટી અને શિક્ષા સંસ્કૃતિ ઉત્થાન ન્યાસના સંયુક્ત ઉપક્રમે રાષ્ટ્રીય શિક્ષાનીતિ ૨૦૨૦નું પ્રભાવી કાર્યાન્વયન વિષય પર એકદિવસીય કાર્યશાળાનું સફળ આયોજન કરવામાં આવ્યું. આ કાર્યક્રમમાં વિવિધ શિક્ષણપ્રેમી, પ્રાધ્યાપકો અને સંશોધકોની ઉપસ્થિતિ નોંધપાત્ર રહી હતી.

કાર્યક્રમમાં મુખ્ય અતિથિ તરીકે માન. ડૉ. અતુલભાઈ કોઠારી, રાષ્ટ્રીય સચિવ, શિક્ષા સંસ્કૃતિ ઉત્થાન ન્યાસ ઉપસ્થિત રહ્યા અને તેમનું માર્ગદર્શન મળ્યું, જેમાં ભારતીય જ્ઞાન પરંપરા વિશે ઊંડાણપૂર્વક વાત કરવામાં આવી.

પ્રો. (ડૉ.) એસ.પી. સિંહ, મહાનિદેશક કૌશલ્ય: કૌશલ વિશ્વવિદ્યાલય, અમદાવાદ, દ્વારા કૌશલ્ય આધારિત શિક્ષણ અને કૌશલ્ય વિકાસ વિષે ચર્ચા કરવામાં આવી. ત્યારબાદ નિવૃત્ત કમાન્ડર ડૉ. ભૂષણ દિવાને દેશના વર્તમાન પડકારો સામે શિક્ષકની ગુણવત્તા અને શિક્ષણની દિશા પર અભિપ્રાય રજૂ કર્યા.

કાર્યક્રમ અંતે મુક્ત ચર્ચા-વિચારણા કરવામાં આવી. કાર્યશાળાએ શિક્ષણ ક્ષેત્રે બદલાવને ધ્યાનમાં લઇ તેના અનુરૂપ દિશા અને વિચારપ્રેરણા પૂરું પાડી હોવાની સહમતિ ભાગ લેનાર તમામ મહાનુભાવો દ્વારા વ્યક્ત કરવામાં આવી.